Waziri wa maji Jumaa Aweso amewataka watendaji na watumishi wa sekta ya maji nchini kushirikiana na sekta binafsi katika kuhakikisha wanatatua changamoto za upatikanaji wa maji kwa watanzania.
Ameyasema hayo leo jijini Arusha wakati akifungua kongamano la maji la.mwaka (AWAC 2025) linalofanyika jijini Arusha lenye kauli mbiu ya “kuendeleza mapinduzi ya huduma ya maji na usafi wa mazingira barani Afrika kupitia ushirikiwa sekta binafsi.
Waziri Aweso amesema kuwa, ni lazima tukubali kubadilika na tuache ubinafsi kwani hatuwezi kufanya kazi wenyewe bila kushirikiana na sekta binafsi katika kutatua changamoto mbalimbali ya maji hapa nchini hivyo kuna haja kubwa ya kuongeza mashirikiano hayo.
“Watendaji wenzangu lazima tukubadili kubadilika na kubadilisha mtazamo wetu kwani kazi kubwa imefanyika na uwekezaji mkubwa umefanywa na serikali hivyo ni lazima tubadilike na kuongeza bidii zaidi katika utendaji kazi wetu.”amesema Aweso.
“Huu ndio muda sahihi wa kushirikiana na sekta binafsi katika kufanya kazi kwa pamoja kwani hatuwezi kufanya kila kitu wenyewe ni lazima kuwepo na mashirikiano ili kutatua changamoto za maji kwa watanzania .”amesema .
Amefafanua kuwa ,ni lazima tuhakikishe wananchi wanapata maji ya kutosha kwa kuhakikisha tunaboresha suala la upatikanaji wa huduma ya maji .
Ameongeza kuwa changamoto zote zilizopo katika sekta ya maji majibu yake yapo kwenye sekta binafsi hivyo ni wakato sasa wa kushirikiana kwa kufanya nao kazi kwani wana vifaa vya kutosha .
Naye Katibu Mkuu wizara ya maji ,Mhandisi Mwajuma Waziri amesema kuwa, ili tuweze kuendeleza mapinduzi ya huduma za maji kama sekta ya maji mwaka huu 2025 tunafahamu.tuna nyaraka nyingi za kitaifa na kimataifa ni vyema pia wadau wetu wajue .
Mwaka huu 2025 serikali iliandaa dira ya Taifa ya maendeleo kuanzia mwaka 2025 hadi 2050 katika hiyo dira ya Taifa sisi kama sekta ya maji tuna mambo muhimu ambayo tunatakiwa tuyafanye hadi 2050 hivyo wadau wa sekta ya maji wanatakiwa wajipange .
Amesema kuwa, wana mpango wa Taifa wa maendeleo wa 2025 ambao unaisha na watakuwa na mpango mpya wa kuanzia 2025 hadi 2030 ambapo humo wanaenda kuweka mikakati kama sekta ya maji kitaifa kuwa wanataka wafike wapi na wana programu ya maendeleo ya sekta ya maji .
Ameongeza kuwa, wao kama.sekta sasa hivi wanajiandaa sasa wakiwa na wafadhili mbalimbali kuanza programu nyingine ambayo itaanza 2025 na kuendelea hivyo wanatakiwa pia wajiandae changamoto zao na fursa gani ambazo wanataka kufanya.
Mwenyekiti wa bodi ya ATAWAS, Geofrey Hilly amesema kuwa mkutano huu ni mwendelezo wa mikutano yote ambayo wamekuwa wakifanya kila mwaka ambapo Atawas inashirikisha watu wa sekta ya maji kwa ujumla wake.
Ameongeza kuwa ,Atawas ni taasisi ambazo karibu kila nchi inakuwa na taasisi kama hii ikiwemo Malawi,Kenya na dunia nzima .
LAFUNGULIWA JIJINI ARUSHA ){kind=link}
0 Comments