WATOTO YATIMA WAZEE WAPEWA MBUZI NA MCHELE WA EID EL FITR

 

Mkuu wa mkoa wa Tanga Waziri Kindamba akizungumza na mmoja wa watoto aliyepo katika vituo vinavyotunza watoto yatima,mbele ni watoto wengine ambao wanalelewa katika kituo alichowapa msaada.

Mkuu wa Mkoa wa Tanga Waziri Kindamba amekabidhi msaada wa vyakula kwa makundi maalumu yenye mahitaji maalumu yakiwemo Wazee wasiojiweza na Watoto yatima.

Akikabidhi msaada huo,Rc Kindamba alisema Ofisi yake imeona sio jambo zuri kusherekea sikukuu ya Eid bila kuwakumbuka Watu Wenye Mahitaji Maalumu,

"Tumeona sio jambo zuri kusherekea sikukuu kwa furaha Wakati Kuna wenzetu wanahitaji ,tumeamua tuungane kwa pamoja kuhakikisha tunasherekea sikukuu kwa furaha"alisema Kindamba

Katika hatua nyengine, mkuu huyo wa Mkoa aliahidi kuzifanyia kazi changamoto zilizopo kwenye vituo hivyo hususani Kituo Cha lelea Wazee wasiojiweza Duga ambacho miundombinu yake imechakaa ,

"Sitaki kuwa msemaji Sana naomba tukazifanyie kazi changamoto hizi ,nimeambiwa miundombinu ya Umeme ni mibovu ,Majengo pia machakavu  na mengine mengi tutayafanyia kazi" alisema Kindamba 

 

Vituo vilivyonufaika na msaada huo ni pamoja na Kituo Cha Wazee wasiojiweza Duga,Kituo cha Watoto yatima Good Will na Kituo cha kulea Watoto yatima Ansar huku makundi yote yakinufaika na Mchele,Mafuta,Mbuzi,Maharage na Soda.