Wizara ya Mambo ya Nje ya Uturuki imelaani vikali shambulio la kigaidi lililotekelezwa na makundi yenye silaha katika Jimbo la Kwara, nchini Nigeria, lililosababisha vifo vya takriban watu 170, na kutoa pole kwa familia za waathirika.
Kupitia taarifa iliyotolewa kwenye mtandao wa kijamii wa X siku ya Alhamisi, wizara hiyo ilieleza huzuni yake kubwa kutokana na vifo vilivyosababishwa na shambulio hilo.
“Tumehuzunishwa sana na vifo vilivyosababishwa na shambulio la kigaidi lililotokea katika Jimbo la Kwara nchini Nigeria,” ilisema taarifa hiyo.
Wizara hiyo pia ilituma salamu za rambirambi kwa familia za waliopoteza maisha na kwa wananchi wa Nigeria kwa ujumla, ikisisitiza mshikamano wa Uturuki na taifa hilo.
Aidha, ilibainisha kuwa Uturuki itaendelea kuiunga mkono Nigeria katika mapambano dhidi ya ugaidi na vitendo vya kikatili.
Shambulio hilo lilitokea siku ya Jumanne, ambapo makundi yenye silaha yalivamia maeneo ya jimbo hilo na kuua takriban watu 170.
Kwa mujibu wa taarifa za usalama, Jimbo la Kwara, hususan jamii zilizo karibu na maeneo ya misitu, limeendelea kukumbwa na changamoto za kiusalama katika miezi ya hivi karibuni, ikiwemo ujambazi, utekaji nyara na ongezeko la makundi yenye silaha yanayokimbia operesheni za kijeshi katika majimbo jirani ya kaskazini-magharibi na kaskazini ya kati.
.jpeg)
0 Comments